ഉപകരണ ട്രാൻസ്ഫോർമറുകൾ ( Instrument Transformers)

ഉപകരണ ട്രാൻസ്ഫോർമറുകൾ  ( Instrument Transformers)

             

     വൈദ്യുതശൃംഖലയുമായി ബന്ധപ്പെട്ട  പ്രധാന  ഉപകരണങ്ങളാണ്‌ ഉപകരണ ട്രാൻസ്ഫോർമറുകൾ ( Instrument Transformers) .  സംരക്ഷണ റിലേകൾ ( protection relays ), വൈദ്യുത മീറ്ററുകൾ (measuring instruments) മുതലായവയ്ക്കു ഘടിപ്പിയ്ക്കുന്ന ട്രാൻസ്ഫോർമറുകളാണിവ. സബ്സ്റ്റേഷനുകൾ ജനറേറ്റിംഗ്‌ സ്റ്റേഷനുകൾ, എന്നുവേണ്ട വൈദ്യുതി കൈകാര്യം ചെയ്യുന്ന മിയ്ക്കവാറും ഇടങ്ങളിൽ ഇവ ഉപയോഗിയ്ക്കുന്നു. സബ്സ്റ്റേഷൻ സ്വിച്ച്‌ യാർഡുകളിലെ  ( Switch yard )പ്രധാനപ്പെട്ട ഉപകരണങ്ങളും ഇവ തന്നെയാണു. ഉയർന്ന വോൾട്ടതയും പ്രവാഹ തീവ്രതയുമുള്ള പരിപഥങ്ങളിൽ ( Circuits ) അവ അളക്കുന്നതിനും പരിപഥങ്ങളുടെ സംരക്ഷണത്തിനുമായുള്ള ഉപകരങ്ങൾക്കു ( Protection instruments) കരണ്ടും വോൾടേജും സൗകര്യപ്രദമായ കുറഞ്ഞ അളവിലേയ്ക്കു കുറച്ചു കിട്ടുന്നതിനും ഉയർന്ന വോൾട്ടതയിൽ നിന്നും താഴ്‌ന്ന വോൾട്ടതയിലുള്ള നിയന്ത്രണ പരിപഥങ്ങളെ ( Control circuits ) സംരക്ഷിയ്ക്കുന്നതിനും ഉപകരണ ട്രാൻസ്ഫോർമറുകൾ അത്യാവശ്യമാണ്‌.   

   സാധാരണ ട്രാൻസ്ഫോർമറുകളുടെ പോലെ വൈദ്യുത കാന്തിക പ്രേരണത്തിന്റെ അടിസ്ഥാനത്തിൽ തന്നെയാണിവയും പ്രവർത്തിയ്ക്കുന്നത്‌ ( Electro magnetic induction ).  രണ്ടുതരം ട്രാൻസ്ഫോർമറുകളാണ്‌   ഉപകരണ ട്രാൻസ്ഫോർമറുകൾ  എന്ന വിഭാഗത്തിൽ വരുന്നത്‌.  വൈദ്യുത പ്രവാഹ തീവ്രത( Electric current ) അളക്കുന്നതിനായി കരണ്ട്‌ ട്രാൻസ്ഫോർമറുകളും (Current Transformers), വോൾട്ടത ( Voltage ) അളക്കുന്നതിനായി പൊടെൻഷ്യൽ ട്രാൻസ്ഫോർമറുകളും (Potential Transformers or Voltage transformers).